مين عارف يا حبيبي بكرة هنكون فين ...

مين عارف يا حبيبي بكرة مخبيلنا ايه...

حياتي ايه و حياتك ايه ...

هي لحظة بتختار فيها الطريق...

ليه يا حبيبي انت هناك بعيد كدة
وانا لوحدي هنا
.. ليه شايفاك بروحك جوا قلبي .. بس كل حاجة تانيه فيك بعيد.
ليه يا انت .. ليه يا انا
ليه عملنا فروحنا كدة...

ليه بقينا قلبين و روحين في طريق واحد

بس بينا الف سد واجد..

و كل واحد فينا في ناحيته ينوح 

على كل يوم قابل التاني و مقدرش يبوح

حتى احلى لحظه كانت في وقت اللقى

ساعة الفراق بتكون سكاكين و غارسه 

دموع و نازله 

دموع كتير من عيون شافت حبيبها 

دموع و نازله من خنقة كلام على طرف اللسان 

اللي اتقال باعلى صوت كان بس كلام بيجرح

و اللي يطيب كلام لا عمره انقال ولا بيسمح 

لعيونه حتى تكلم دموعي 

تكلم ضلوعي 

تقولي وحشتيني تقولي بحبك تقوللي ماتزعليش... 

حتى دى مانولهاليش...

يا خوفي لايرتاح حبيبي ورا السد 

 ..و مايجينيش

ليه يا حلم معرفتش تخبي و قلت هو ده اللي شوفته من قبل ما اعرفه

معلش .. انا عارفاك يا حلم بتعشقه 

في غز الهم و الزعل تجيبه تكلمه
و تخليه ينسيني انا ليه مش بكلِمه

و مش مهم انا .. و غصب عني من كتر همي

اسيب الدنيا و اهرب .. و انام 

عشان عارفه انه ساكن في حلمي ..

و انه البطل .. اللي دايما يشيلني ..

من وسط الف هم و هم ..

و ياخدني على سابع سما ..

بس مش عارفه ليه .. بصحى على الارض ..

حكايتنا اخر لخبطه .. اولها اخر و اخرها اول .

مفيش نجاح من غير تعب .. يقولك اللي فاهم ..

و ليه عشان نحب لازم نتوجع

   ..

.. ليه في دنيتي اقابله في طريق...

و ما اشوفش غيره طريق ...

لدرجه اني بتعمي ...

و امشي و حياتي ضلمه .. بختفي

تايهه في وسط دنيا ..

لا ليها معنى و لا  حتى اي لازمه ..

بس عايشه .. 

يمكن في يوم يكون السد له اخر.. يمكن يتمد 

يمكن السد له باب مش هايظهر غير في اوان 

يمكن قدام عنينا الحل ..

يمكن و يمكن و ميت الف يمكن ..

اللي اعرفه ان الحدوته دي لسه ماخلستش ...

قلبين و روحين في طريق واحد .... و الف سد